Sulm me thikë në qendrën tregtare në Milano

Publikohen pamjet nga sulmi (Video)

Janë publikuar pamjet e sulmit të tmerrshëm me thikë në një qendër tregtare në Milano, ku një person mbeti i vdekur dhe 5 të tjerë u plagosën, mes të cilëve edhe futbollisti i Monzës, Pablo Mari. Në pamjet e kamerave të sigurisë duket autori 46-vjeçar, Andrea Tombolini, duke ecur në qendrën tregtare, përcjell albinfo.ch.

Më tej, Tombolini, i cili dyshohet se ka probleme të shëndetëtit mendor, shihet teksa qëndron në mënyrë të dyshimtë pranë një rafti, aty ku më pas merr edhe thikën, me të cilën kreu krimin.

Më pas, gjithçka përfshihet nga kaosi, ndërsa pasi godet qytetarët pa asnjë arsye, autori merr një goditje në trup dhe përfundon në tokë nga një punonjës, i cili është identifikuar si Luis Fernando Ruggieri, 46 vjeç.

Viktima ishte një 30-vjeçar i goditur me thikë, ndërsa futbollisti spanjoll u godit me grusht në fytyrë dhe më pas me thikë në shpinë. Ai u dërgua në spital, nga ku raportohet se është në gjendje të qëndrueshme. Ai u vizitua edhe nga Adriano Galliani, drejtori i Monzës, si dhe nga trajneri Palladino.

“Pablo Mari kishte një plagë mjaft të thellë në shpinë, e cila për fat të mirë nuk preku organet vitale, si mushkëritë apo të tjera. Jeta e tij nuk është në rrezik, ai duhet të shërohet shpejt”, ka thënë Galliani për Sky Sport.

https://www.facebook.com/watch/?v=632468078362512

---