BE ka ngrirë 17 miliardë euro asete ruse

pixabay

Si pjesë e paketës së sanksioneve kundër Rusisë, Bashkimi Evropian deri më tani ka ngrirë më shumë se 17 miliardë euro të aseteve ruse, njoftoi Komisioneri Evropian për Drejtësi Didier Reynders.

“Deri më tani, pasuritë e 90 personave janë ngrirë, më shumë se 17 miliardë në shtatë shtete anëtare, nga të cilat 2,2 miliardë në Gjermani”, tha Reinders për disa gazeta gjermane, të cilat janë pjesë e grupit mediatik Funke.

BE-ja ka miratuar tetë paketa sanksionesh që nga fillimi i luftës në Ukrainë, tetë muaj më parë, kujton portali SEEbiz.

Në veçanti, politikanët ukrainas kanë kërkuar vazhdimisht që asetet e ngrira të përdoren për rindërtimin e vendit pas luftës“Nëse janë para që vijnë nga sipërmarrjet kriminale të kapura nga BE, ato mund të drejtohen në fondin e kompensimit për Ukrainën. Megjithatë, kjo shumë nuk do të jetë aspak e mjaftueshme për të financuar rindërtimin”, tha Reinders.

Sipas tij, si pjesë e sanksioneve perëndimore, 300 miliardë euro rezerva valutore të bankës qendrore ruse janë ngrirë./Reuters