Konsumi i kafesë gjatë shtatzënisë mund të ndikojë në gjatësinë e fëmijës

Fillimi i ditës me një filxhan të nxehtë kafeje ose çaj me kafeinë mund të duket hyjnore për disa, por mund të ketë ndikime negative për fëmijët te gratë shtatzëna, sipas një studimi të ri.

Sipas studimit të botuar të hënën në JAMA Network Open, fëmijët që ishin ekspozuar ndaj sasive të vogla të kafeinës para lindjes u zbulua se ishin mesatarisht më të shkurtër se fëmijët e nënave që nuk konsumonin kafeinë gjatë shtatzënisë, shkruan CNN.

Fëmijët e nënave që kishin konsumuar kafeinë gjatë shtatzënisë ishin më të shkurtër në shtat në moshën 4-vjeçare se fëmijët e nënave që nuk konsumuan kafeinë dhe hendeku zgjerohej çdo vit deri në moshën 8-vjeçare, sipas autores kryesore të studimit, dr. Jessica Gleason, epidemiologe prenatale.

“Për të qenë të qartë, këto nuk janë dallime të mëdha në gjatësi, por ka këto dallime të vogla në gjatësi midis fëmijëve të nënave që konsumuan kafeinë gjatë shtatzënisë”, tha Jessica Gleason, e cila është një studiuese në Institutin Kombëtar të Shëndetit të Fëmijëve Eunice Kennedy Shriver.