Britanikët marrin shtesa për ta përballuar krizën ekonomike

(AP Photo/Frank Augstein)

Miliona britanikë me të ardhura të ulëta do të marrin nga 370 euro (324 paund) në llogaritë e tyre bankare, si masë për ta përballur koston e jetesës, shkaktuar nga kriza ekonomike.

Këto pagesa janë pjesa e dytë e një shume prej 650 paundësh (740 euro) që u paguhet qytetarëve që marrin përfitime të tilla, si Kredia Universale, shtesa për punëkërkuesin e bazuar në të ardhura (JSA), ndihma e punësimit dhe mbështetja e lidhur me të ardhurat (ESA), mbështetja e të ardhurave, kreditimi pensional, shtesa për fëmijë, kreditimi tatimor dhe ai i punës.

Kjo pagesë prej 324 paundësh ishte bërë më parë, derisa pagesa e dytë duhet të ekzekutohet para 23 nëntorit.

Familjet e kualifikuara që marrin kredi tatimore dhe asnjë përfitim tjetër do të marrin pagesën e dytë deri më 30 nëntor.

Paketa mbështetëse e qeverisë përfshin gjithashtu një zbritje prej 400 paundësh (460 euro) në faturat e energjisë që po paguhen me këste mujore deri në muajin mars 2023./BBC