Stoltenberg kërkon të shmangen tensionet, thotë se KFOR-i mbetet vigjilent

Stoltenberg ka kërkuar zgjidhje pragmatike për targat, duke shtuar se NATO dhe KFOR-i janë viligjentë.

Sekretari i Përgjithshëm i NATO-s, Jens Stoltenberg, ka reaguar pasi nuk është arritur marrëveshja në Bruksel për targat ndërmjet Kosovës dhe Serbisë. Stoltenberg ka thënë se duhet të shmanget përshkallëzimi i situatës.

Në një postim në Twitter, ai ka treguar se ka folur me shefin për Politikë të Jashtme dhe Siguri, Josep Borrell, ndërsa është shprehur shumë i zhgënyer që nuk është arritur ndonjë zgjidhje, transmeton Albinfo.ch.

Stoltenberg ka kërkuar zgjidhje pragmatike në këtë çështje, duke shtuar se NATO dhe KFOR-i janë viligjentë.

“Fola me Josep Borrell. Jemi të zhgënjyer që nuk ishte e mundur të zgjidhej mosmarrëveshja e targave. Tani është koha për përgjegjësi dhe zgjidhje pragmatike. Përshkallëzimi duhet të shmanget. NATO e KFOR mbeten vigjilent”, ka shkruar ai në Twitter./Albinfo.ch

---