Kosova e Serbia arrijnë marrëveshje për targat

Në kryeqendrën evropiane në Bruksel është arritur marrëveshja për targat mes Kosovës dhe Serbisë, nën ndërmjetësimin e BE-së. transmeton albinfo.ch.

“Me kënaqësi ju njoftoj se kryenegociatorët e Kosovës dhe të Serbisë, nën lehtësimin e BE-së, kanë rënë dakord për masat, për të shmangur përshkallëzimin e mëtejshëm dhe për t’u përqendruar plotësisht në propozimin për normalizimin e marrëdhënieve mes tyre”, njoftoi përfaqësuesi i Lartë i BE-së për politikë të jashtme, Josep Borrell në Twitter.

“Serbia do të ndalojë lëshimin e targave me emërtimet e qyteteve të Kosovës dhe Kosova do të ndërpresë veprimet e mëtejshme në lidhje me riregjistrimin e automjeteve. Unë do t’i ftoj palët në ditët në vijim për të diskutuar hapat e ardhshëm. E falënderoj përfaqësuesin special Miroslav Lajçak palët për punën e palodhur”, theksoi ai.

Zëvendëskryeministri i Kosovës Besnik Bislimi dhe ai i Serbisë Petar Petkoviqin, nën ndërmjetësimin e të dërguarit të Bashkimit Evropian për dialogun, Miroslav Lajçak zhvilluan sot gjatë ditës e deri në këto orë takime.