Në Bernë u mbajt festivali tradicional “Zibelmärit”, shiten 30 tonë qepë

Festivali përmban gërsheta të zbukuruara me qepë, verë të zier dhe bukë me hudhër për vizitorët.

Dhjetëra mijëra vizitorë zbritën në Bernë për të festuar festivalin tradicional të qepëve ‘Zibelmärit’ të kryeqytetit zviceran.

Rreth 30 tonë qepë u shitën të hënën, që është një përmirësim në krahasim me vitin e kaluar, por rreth gjysma e sasisë së shitur në vitin rekord të 2014-ës, raporton swi, përcjell Albinfo.ch.

Festivali përmban gërsheta të zbukuruara me qepë, verë të zier dhe bukë me hudhër për vizitorët.

Festivali i qepëve i ka rrënjët në shekullin e 15-të. Spas legjendës, 1 mijë e 405 njerëz nga Friburgu erdhën për të ndihmuar qytetarët e Bernës për të rindërtuar qytetin pasi u dogj. Si rezultat, banorëve të Friburgut iu dha mundësia të shisnin qepët e tyre në tregjet e Bernës.

Festivali filloi në vitin 1860 kur fermerët nga rajoni përreth erdhën për të shitur jo vetëm qepë, por edhe fruta dhe perime në Bernë.

Policia njoftoi se Zibelmärit këtë vit kaloi pa incidente serioze./Albinfo.ch

---