Franca, në mbështetje të Kosovës për anëtarësim në BE, kërkon përparim në dialog

Franca ka dalë në mbështetje të aplikimit të Kosovës për anëtarësim në Bashkimin Evropian. Megjithatë, ky vend ka bërë thirrje që Kosova të vazhdojë me reforma, përcjell albinfo.ch.

“Franca mbështet perspektivën evropiane të Kosovës, ashtu sikurse edhe të vendeve të tjera të Ballkanit Perëndimor”, theksoi Ministria e Jashtme e Francës.

Megjithatë ky vend konsideron se duhen reforma të nevojshme për afrimin e Kosovës në Evropë, veçanërisht në fushën e sundimit të ligjit. Derisa në raport me Serbinë kërkohen më shumë angazhime ‘me përgjegjësi dhe konstruktivitet në dialog me synimin e normalizimit të marrëdhënieve’.

Madje dialogu konsiderohet kusht thelbësor për afrimin evropian të dy vendeve dhe stabilitetin e gjithë rajonit.