Gjendje e jashtëzakonshme në Shkup për shkak të ndotjes së ajrit

EPA/VALDRIN XHEMAJ

Qeveria e Maqedonisë së Veriut vendosi gjendjen e jashtëzakonshme në kryeqytetin e vendit, në Shkup dhe në tri qytete të tjera me qëllim mbrojtjen e qytetarëve nga nivelet shumë të larta të ndotjes së ajrit, raportoi AP.

Asnjë ngjarje sportive nuk u zhvillua sot dhe as nuk do të mbahet për sa kohë që nivelet e ndotjes janë të larta dhe aktivitetet në natyrë janë pezulluar.

Duke filluar nga nesër, punado të kufizohet në gjashtë orë, nga ora 11:00 deri në 17:00. Qeveria u ka rekomanduar kompanive që gratë shtatzëna dhe personat mbi 60 vjeç të kenë pushim për aq kohë sa zgjat ndotja.

Qeveria do të përgjysmojë përdorimin e automjeteve të saj dhe zyrtarët shëndetësorë duhet të përpiqen të gjejnë strehim për të pastrehët dhe të rrisin vizitat në shtëpi nga mjekët për të sëmurët kronikë.