Rritje e vogël e papunësisë në Zvicër, ngritet në 2.2% gjatë janarit

Megjithatë, një shkallë më e ulët e papunësisë se në janarin e vitit 2023 është matur për herë të fundit në vitin 2001

Shkalla e papunësisë në Zvicër ka shënuar një rritje të vogël në janar, duke arritur në shifrën prej 2.2 për qind, transmeton albinfo.ch. Lajmi bëhet i ditur nga Sekretariati Shtetëror për Çështje Ekonomike Seco.

Krahasuar me muajin dhjetor të vitit të kaluar, kjo është një rritje prej 0.1 pikë përqindjeje.

Në qendrat rajonale të punësimit RAV në fund të janarit janë regjistruar si të papunë 100776 persona, që është për 3800 më shumë se një muaj më parë, shkruan srf.ch. Shkalla e papunësisë megjithatë mbetet e ulët. Një shkallë më e ulët e papunësisë se në janarin e vitit 2023 është matur për herë të fundit në vitin 2001.

Në të njëjtën kohë, numri i vendeve të lira të raportuara në RAV në janar është rritur për 3,300, në 51,810 sosh.

---