Pas Zvicrës, edhe Gjermania ofron viza për personat e prekur nga Turqia e Siria

Pas tërmetit shkatërrues që preku Turqinë e Sirinë, Gjermania ka njoftuar se personave të prekur nga tërmetet do t’u mundësohet të qëndrojnë përkohësisht te të afërmit që jetojnë në vend.

“Kjo është ndihmë emergjente”, tha ministrja e Punëve të Brendshme gjermane, Nancy Faeser, për gazetën Bild, përcjell albinfo.ch.

“Ne duam të lejojmë familjet turke ose siriane në Gjermani që të sjellin të afërmit e tyre të afërt nga zona e fatkeqësisë në shtëpitë e tyre pa burokraci”, theksoi ajo.