Qyteti evropian që bën transportin publik falas nga dhjetori  

Montpellier, në jug të Francës, do ta bëjë sistemin e transportit publik falas, dhe do të jetë metropoli më i madh francez që do të zbatojë një skemë të tillë.

Nga 21 dhjetori 2023, banorët vendas do të mund të përdorin abonimin falas nëpër rrjetin e autobusëve dhe tramvajit të qytetit. Skema synon të ulë emetimet e karbonit, të reduktojë ndotjen dhe të përmirësojë lëvizjen për banorët e qytetit.

“Duke bërë transportin falas, ne po ndërmarrim një hap të madh dhe të guximshëm në vendosjen e drejtësisë sociale dhe të përparimit, që i shërben tranzicionit ekologjik”, shkroi në Tëitter kryetari i bashkisë së Montpellier, Michaël Delafosse.

Montpellier e ka eksperimentuar transportin falas në fundjavë që nga shtatori 2020. Në vitin 2021, qyteti e zgjeroi këtë nismë në ditët e javës, për moshat nën 18 vjeç dhe mbi 65 vjeç.

Zgjerimi i mëtejshëm i skemës është pjesë e subvencionit prej 150 milionë eurosh të qytetit, për lëvizjen me emetime zero, e cila përfshin gjithashtu investimin në korsitë e biçikletave dhe krijimin e një zone me emetim të ulët/euronews