Identifikohet një tufë e re e ujqërve në Zvicër

Testet gjenetike kanë konfirmuar ekzistencën e një tufe të re ujqërish në Zvicrën juglindore, sipas autoriteteve të kantonit Graubünden.

Testet gjenetike kanë konfirmuar ekzistencën e një tufe të re ujku në Zvicrën juglindore, sipas autoriteteve të kantonit Graubünden.

Tufa e re, e identifikuar me emrin Lenzer-Horn, bashkohet me nëntë tufa të tjera në kanton, të përbërë nga rreth 94 ujqër individualë, raporton swi, përcjell Albinfo.ch.

Dy tufa të tjera janë parë gjithashtu pranë Italisë, por pjesën më të madhe të kohës e kalojnë në vendin fqinj dhe vetëm herë pas here bredhin përtej kufirit.

Rreth 20 tufa me rreth 180 ujqër jetojnë në gjithë Zvicrën dhe janë një specie e mbrojtur. 

Vëzhguesit e jetës së egër vlerësojnë se Zvicra do të ketë 50 tufa dhe gjithsej 350 ujqër deri në vitin 2025.

Numri në rritje i ujqërve u sjell më shpesh telashe njerëzve. Vitin e kaluar, rreth 1000 bagëti u mbytën nga ujqërit. Në Graubünden u vranë 517 kafshë ferme nga ujqërit,  dy herë më shumë se në vitin 2021.

Tufa Beverin është identifikuar si më problematike. Shkatërrimi i anëtarëve individualë të tufës duket se nuk ka ndryshuar sjelljen e saj agresive të gjuetisë.

Parlamenti i kantonit ka votuar për shkatërrimin e gjithë tufës së Beverinit, por kjo politikë ka të ngjarë ta vendosë kantonin në një rrugë përplasjeje me autoritetet federale që janë përgjegjëse për ruajtjen dhe menaxhimin e ujqërve./Albinfo.ch

---