20% më pak teste për patentshofer janë bërë në Zvicër gjatë vitit 2022

Kj lidhet me faktin se në vitin 2021, pra vitin pararendës, sipas shoqatës, numri i testeve të drejtimit të makinës ishte jashtëzakonisht i lartë

Në mënyrë të konsiderueshme më pak njerëz i janë nënshtruar provimit të drejtimit të makinës në Zvicër vitin e kaluar sesa një vit më parë, transmeton albinfo.ch. Sipas Shoqatës së Zyrave të Qarkullimit Rrugor, rënia është gati 20 për qind.

Megjithatë, kjo duket se lidhet me faktin se në vitin 2021, pra vitin pararendës, sipas shoqatës, numri i testeve të drejtimit të makinës ishte jashtëzakonisht i lartë, shkruan srf.ch.

Arsyeja kryesore për këtë kanë qenë ndryshimet në ligjin përkatës.

Këto ndryshime kanë bërë që shumë shoferë të rinj të marrin patentshoferin e tyre sipas ligjit të vjetër, përcjell albinfo.ch. Në këtë mënyrë, moshat nën 20 vjeç mundën t’i “shpëtonin” fazës sapo futur në ligj, të të mësuarit njëvjeçar.

Megjithatë, rënia nuk ka të bëjë me shkallën e suksesit në testin praktik. Shkalla në fjalë vazhdon të mbetet e qëndrueshme.

---