Vdiq Nazmi Mikullovci, kryetar i Bordit të AKP-së

Raportohet se ka vdekur sot Nazmi Mikullovci, kryetari i Bordit të Agjencisë Kosovare të Privatizimit (AKP). Lajmi u dha nga familjarët e tij, por edhe kryeministri i vendit, Albin Kurti, përcjell albinfo.ch.

“Sot u nda nga të gjithë ne Nazmi Mikullovci. Emri i tij mbetet i lidhur përjetësisht me Kosovën, ekonominë dhe industrinë e saj. Nazmi Mikullovci është përfaqësuesi i një gjenerate të jashtëzakonshme profesionistësh që projektuan dhe realizuan në masë të gjerë vetëqëndrueshmërinë ekonomike të Kosovës”, shkroi Kurti në Facebook. Kurti shprehu ngushëllime për famijen Mikullovci, ndërsa tha se atë e kishte bashkëpunëtorë më shumë se një dekadë.

“Kushdo e njeh atë si Drejtorin e Trepçës në vitet e shkëlqyera të industrializimit të vendit. Ndërsa shumë nga ne si orientuesin e përpiktë se si të optimalizohen mundësitë vendore në industri dhe ekonomi. Nazmi Mikullovci është mentori i dijes mbi Kosovën dhe ekonominë e saj”, tha ai.