A do t’i shesë Zvicra tanke Gjermanisë

Nga pikëpamja ushtarake, ushtria zvicerane ka nevojë për të gjitha tanket

Zvicra mund të heqë dorë nga një numër i kufizuar tankesh, pas vlerësimit të nevojave të saj.

Kështu deklaroi shefi i ushtrisë Thomas Süssli për SRF, pasi u mësua se Gjermania do të dëshironte të blinte Leopard 2-të aktualisht të pashfrytëzuara nga Konfederata, përcjell albino.ch.

Süssli foli për një duzinë ekzemplarë dhe shtoi se është një balancim interesash dhe në fund të fundit, një vendim politik, edhe në funksion të kundërshtimit ndaj shitjes së tankeve, për shembull, nga Shoqata e Oficerëve Zviceranë.

Nga pikëpamja ushtarake, ushtria zvicerane ka nevojë për të gjitha tanket, shtoi Süssli, duke saktësuar megjithatë se politika do të vendosë se si do të jenë forcat e armatosura të së ardhmes.

Kur u pyet për presionin politik për të mos penguar dërgimin e materialit luftarak në Ukrainë, Süssli tha se ndjente shumë simpati për situatën zvicerane nga ana e kolegëve të huaj. Ata e kuptojnë neutralitetin dhe se Zvicra nuk mund të furnizojë drejtpërdrejt me armë, tha ai.

---