Brenda vitit 2023 do të investohen 2.8 miliardë franga në rrugët zvicerane

Në vitin 2023 do të fillojnë punimet kryesore për projekte të ndryshme rrugore zvicerane. 1.6 miliardë do të ndahen për punimet e mirëmbajtjes dhe përmirësimit të rrjetit ekzistues

Këtë vit, Konfederata do të investojë rreth 2.8 miliardë franga në ndërtimin, përmirësimin, mirëmbajtjen dhe funksionimin e rrjetit kombëtar të rrugëve, në përputhje me buxhetin e vendosur nga Parlamenti. Departamenti Federal i Mjedisit, Transportit, Energjisë dhe Komunikacioneve (DETEC) ka nisur programin 2023 për rrugët kombëtare operacionale dhe programin e punës për kompletimin e rrjetit, përcjell albinfo.ch.

Asambleja Federale ka miratuar alokimet e mëposhtme buxhetore për vitin 2023: 1.6 miliardë për mirëmbajtjen dhe përmirësimin e rrjetit ekzistues (rinovim) dhe 482 milionë për projektet kryesore në kuadër të Programit Kombëtar të Zhvillimit Strategjik të Rrugëve (PROSTRA). Gjithashtu, rreth 453 milionë janë parashikuar për funksionimin dhe 264 milionë për përfundimin e rrjetit të dekretuar në vitin 1960. Burimet e alokuara, në një total prej 2,8 miliardë, vijnë nga Fondi për rrugët kombëtare dhe trafikun e aglomerateve (FOSTRA).

Burimet do të investohen në një masë të madhe në ndërtimin e tubit të dytë të tunelit të autostradës Gotthard, zgjerimin e bypass-it verior të Cyrihut (A1) në tre korsi në secilin drejtim, bypass-in e Lucernit (A2) dhe Le Locles. (A20).

Siç u përmend, Konfederata do të ndajë afërsisht 453 milionë franga për mirëmbajtjen e zakonshme (shërbim dimëror, mirëmbajtje të zonave të gjelbra, rikuperim pas aksidenteve, pastrim) të rrugëve kombëtare, me qëllim sigurimin e përdorshmërisë së përditshme të rrjetit, përcjell tutje albinfo.ch.

264 milionë franga do të jenë në dispozicion për veprat e reja në vitin 2023, nga të cilat aksionet më të mëdha do t’u caktohen kantoneve Valais, Obwalden, Schwyz dhe Uri.

---