Zvicër: Gruaja qëllohet me armë, autori në arrati

Foto ilustrim

Një grua 42-vjeçare është qëlluar me armë derisa po lëvizte me automjetin e saj në Windisch, Aargau, ka njoftuar policia kantonale, shkruan 20minuten, përcjell albinfo.ch.

“Raporti i parë për një të shtënë ndaj një gruaje në Zürcherstrasse në Gibenstorf u mor në orën 13:30. Sipas gjetjeve fillestare, gruaja ishte ulur në makinë”, ka thënë Daniel Wächter nga policia kantonale.

Autoritetet po ashtu kanë njoftuar se gruaja është dërguar në spital, po nuk dihet ende për gjendjen e saj.

Tashmë policia ka nisur një operacion policor dhe është bllokuar rruga në Gibenstorf, ku priten kufizime në trafik. Për momentin, autori është në arrati, njofton policia, duke shtuar se nuk ka rrezik për palët e treta, shkruan 20minuten, përcjell albinfo.ch.