Presidenti zviceran pranon ‘gabimin’ në zgjedhjen e fjalëve

(KEYSTONE/Marcel Bieri)

Alain Berset ka ngjallur kritika masive në mesin e publikut dhe politikanëve zviceranë kur foli në një intervistë të dielën për “frenitë e luftës në qarqe të caktuara”, duke iu referuar atyre që po i kërkojnë Zvicrës të braktisë neutralitetin e saj dhe të lejojë eksportin e armëve në Ukrainë, përcjell albinfo.ch.

Pas një reagimi të ashpër për komentin e tij, Berset pranoi të martën se ai kishte “bërë një gabim” dhe “nuk ishte zgjedhja e duhur e fjalëve”.

Megjithatë, ai mbajti kundërshtimin e tij ndaj eksportimit të armëve zvicerane në Ukrainën e shkatërruar nga lufta.

“Përgjigjja ndaj kësaj lufte brutale nuk mund të jetë vetëm riarmatimi”, theksoi Berset, duke shtuar se forca e Zvicrës në situata të tilla është diplomacia.