Policia austriake, në gatishmëri për atentat të mundshëm terrorist

(Photo/Ronald Zak)

Në Vjenë policia është vënë në gatishmëri të lartë për shkak të një kërcënimi të mundshëm terrorist.

Ka indikacione për një komplot islamik për të sulmuar institucionet fetare, tha policia në Twitter. Prania e patrullave dhe njësive kundër terrorizmit është përforcuar në rrugë dhe objektet potencialisht të kërcënuara janë objekt i mbikëqyrjes së shtuar, përcjell albinfo.at

Një zëdhënës i Policisë ka thënë për ORF se nuk kishte arsye për panik dhe se nuk kishte asnjë rrezik të afërt. Vendimi për të publikuar vlerësimin e autoriteteve u mor thjesht për të shpjeguar praninë e shtuar të policisë. Nëse një vend konkret kërcënohet nga një rrezik konkret, policia vjeneze do të informojë menjëherë.

Policia bëri thirrje që të mos filmohen zyrtarët, të mos fotografohen ata dhe të mos postohen pamje të tilla në rrjetet sociale.

Në nëntor 2020, një sulm në qendër të Vjenës la katër të vdekur dhe 23 të plagosur. Autori dyshohet se ishte simpatizant i “Shteti Islamik”.