Gjermania fton Mërgim Berishen për miqësore

Mësohet se sulmuesi Mërgim Berisha do të jetë pjesë e Përfaqësueses së Gjermanisë për ndeshjet miqësore të këtij muaji, përcjell albinfo.ch.

Sot, Berisha është ftuar nga përzgjedhësi Hansi Flick, i cili ende nuk e ka bërë publike listën e futbollistëve të ftuar.

Mediat gjermane shkruajnë se Berisha ka gjetur vend në listën e Flickut pas paraqitjeve të mira që i ka treguar këtë sezon në Bundesligë me fanellën e skuadrës së Augsburgut.

Vlen të theksohet se 24-vjeçari ka shënuar 8 gola dhe ka asistuar 4 herë në 18 ndeshje të luajtura në Bundesligë, ndërsa tek Augsburgu është huazuar nga Fenerbahçe.

Për Berishën, kjo do të jetë hera e parë që ftohet nga Përfaqësuesja A e Gjermanisë, pasi më herët ka qenë pjesë e ekipit U21, me të cilin e ka fituar Kampionatin Evropian.

Përfaqësuesja gjermane në fund të këtij muaji do t’i luajë dy ndeshje miqësore në kuadër të përgatitjeve për Euro 2024. Më 25 maj do të përballet me Perunë, ndërsa tri ditë më vonë do të luajë edhe me Belgjikën.