Zvicra anulon fluturimet drejt disa qyteteve gjermane

(KEYSTONE/Gaetan Bally)

Swiss International Air Lines po anulon një numër fluturimesh midis Zvicrës dhe disa qyteteve gjermane. Të prekura janë kryesisht fluturimet ndërmjet Mynihut dhe Frankfurtit, ndërsa kompania ajrore aktualisht po vlerëson ndikimin e grevave në qytete të tjera. Thuhet se është prekur edhe trafiku rrugor dhe hekurudhor, shkruan Swissinfo, përcjellë albinfo.ch.

Për të dielën dhe të hënën janë anuluar fluturimet nga Zvicra drejt Mynihut dhe Frankfurtit për shkak të grevave të punonjësve të transportit në Gjermani. Fluturimet për në Berlin nuk janë të prekura nga greva dhe po vazhdojnë ashtu si ishin planifikuar ka thnë Michael Steif, raporton Swissinfo, përcjellë albinfo.ch.

Fluturimet nga Zvicra në Dresden, Dusseldorf, Hanover, Hamburg, Nuremberg dhe Shtutgart janë ende duke u vlerësuar. Gjithashtu të gjithë pasagjerët do të kontaktohen në lidhje me fluturimin e tyre. Po ashtu, Zvicra ka anuluar ditë më parë edhe të gjitha fluturimet drejt Greqisë, pikërisht për shkak të grevës, shkruan Swissinfo përcjellë albinfo.ch.

Sindikatat gjermane po kërkojnë një rritje pagash prej 10.5%, ose një rritje minimale prej 500 € në muaj, në mënyrë që ata që fitojnë më pak të përfitojnë më shumë. Sindikatat u kanë bërë thirrje anëtarëve në të gjitha fushat e sektorit të transportit që të hënën të hyjnë në greva mbarëkombëtare. Përveç anulimeve të fluturimeve, preken edhe transporti hekurudhor, rrugët ujore, portet dhe institucionet e autostradave. Në disa lokacione grevat janë caktuar të fillojnë të dielën, shkruan Swissinfo përcjellë albinfo.ch.

Hekurudhat Federale të Zvicrës po zëvendësojnë trena të shumtë ndërkufitarë për shkak të grevës hekurudhore në Gjermani – por vetëm brenda Zvicrës. Anulimet mund të fillojnë që të dielën dhe mund të zgjasin deri të martën, tha të enjten një zëdhënës i Hekurudhave Federale të Zvicrës. Ata këshillojnë që gjatë kësaj kohe të mos udhëtojë treni për në Gjermani, raporton Swissinfo përcjellë albinfo.ch