CDC alarmon për përhapjen e një infeksioni  

Keystone

Një infeksion mykotik vdekjeprurës, që është i vështirë për t’u trajtuar, po përhapet me një ritëm “alarmant” në SHBA.

Sipas Qendrës për Kontrollin dhe Parandalimin e Sëmundjeve (CDC), njerëzit e shëndetshëm nuk janë në rrezik nga infeksioni i quajtur Candida auris. Por, ata me sistem imunitar të dobët, ose ata që përdorin pajisje mjekësore, si ventilatorë ose kateter, mund edhe të humbin jetën, transmeton cnn, përcjell albinfo.ch.

Shumica e rasteve të testuara ishin imun ndaj trajtimit anti-mykotik dhe për këtë arsye CDC e ka quajtur atë një “kërcënim urgjent të rezistencës antimikrobike”.

Simptomat:

Simptomat më të zakonshme janë ethet dhe të dridhurat që nuk përmirësohen pas trajtimit. Infeksioni u raportua për herë të parë në SHBA në vitin 2016, por rritja më e shpejtë e rasteve u raportua nga viti 2020 deri në vitin 2021.

Shqetësimet në rritje:

Një tjetër arsye shqetësuese ishte shtimi i rasteve që u bënë “rezistente ndaj ekinokandinave” që është ilaçi antimykotik më i rekomanduar për trajtimin e infeksionit. CDC ia atribuon rritjen e numrit të rasteve të raportuara me parandalimin e dobët të infeksionit në institucionet e kujdesit shëndetësor.