Pritet një ankand spektakular në Cyrih

Tyrannosaurus Rex më 18 prill del në ankand me çmim 15 milionë franga

Si gjithherë, shteti i Zvicrës ofron spektakle interesante për banorët e saj, ku së fundmi është paraparë të hapet një ankand atipik më 18 prill në Tonhalle të Cyrihut, përcjell albinfo.ch.

Vlen të theksohet se për herë të parë në Evropë do të shitet skeleti i një Tyrannosaurus Rex.

Sipas mediave zvicerane, çmimi fillestar është 5 milionë franga. Fosili i quajtur Trinity vlerësohet të jetë rreth 68 milionë vjeç dhe pritet të arrijë në 5-9 milionë dollarë kur të dalë në ankand në Cyrih më 18 prill.

Thuhet se skeleti i dinosaurit, i cili është 67 milionë vjet i vjetër, është 11.6 metra i gjatë dhe 3.9 metra i lartë; i quajtur “Trinity”, ai u grumbullua duke filluar nga tre ekzemplarë të ndryshëm të zbuluar midis 2008 dhe 2013 në formacionet Hell Creek dhe Lance Creek, në Montana dhe në Wyoming, në Shtetet e Bashkuara. Megjithatë, vetëm 50% e eshtrave janë origjinale.

---