Çfarë tregojnë dokumentet sekrete amerikane që rrodhën në publik?

Dokumentet amerikane të zbuluara treguan se mosmarrëveshjet në organin e sigurisë së Rusisë kanë bërë që Ministria e Mbrojtjes të akuzohet për uljen e numrit të viktimave të luftës në Ukrainë, raporton BBC.

Rusia ka folur shumë pak publikisht për shkallën e vdekjeve të saj në luftë.

Por, dosjet treguan se shërbimi i sigurisë FSB pretendon se zyrtarët nuk po numëronin vdekjet e Gardës Kombëtare Ruse, mercenarëve të Wagner.

Rusia ka paralajmëruar se dokumentet që qarkulluan mund të jenë të rreme, të hedhura qëllimisht nga SHBA-ja në median sociale.

Megjithatë, detajet vërtetojnë atë që tashmë dihej gjerësisht, se grupet ushtarake dhe ato të sigurisë ruse kanë pasur mosmarrëveshje të shpeshta në lidhje me trajtimin e luftës në Ukrainë dhe se Rusia ka shmangur publikimin e numrit të të vdekurve dhe të plagosurve, përcjell albinfo.ch.

FSB-ja raportoi gati 110 000 viktima deri në muajin shkurt, një shkallë ende shumë më e ulët se numrat e kësaj jave në dokumentet amerikane të zbuluara, të cilat vlerësonin humbjet ruse në 189 500 dhe 223 000 viktima.

Shifra më e fundit zyrtare e Rusisë daton në shtator të vitit të kaluar, ku u konfirmuan 5 937 vdekje të ushtarakëve.