Portieri i Kosovës, Arijanet Muriç, i jep kamarieres 10000 euro bakshish

Kamarierja Chantal, ka ndarë bakshishin me të gjithë stafin e klubit, dhe në fund ka blerë një qenush Pomeranian Bulldog të quajtur Rolex

Portieri i njohur i futbollit, i cili mbron portën e Kombëtares së Kosovës, Arijanet Muriç, ka paguar turën prej 36,000 € në një klub elitar nate në Mynih, transmeton albinfo.ch. Sikur të mos mjaftonte kjo, ai i ka dhënë dha kamarieres, një studente 25 vjeçare, 10,000 € bakshish, shkruajnë media të ndryshme gjermane, si Bild, Express, Focus etj.

Më saktë: në fillim të muajit prill, sipas informacioneve të gazetës “Bild”, Muriç dhe miqtë e tij kanë vizituar klubin e natës Filmcasino në Mynih, ku kanë festuar në një atmosferë të mirë për rreth 36 mijë euro. Ndër të tjera aty janë zbrazur më shumë se 40 shishe shampanjë Dom Perignon, të ftohura në vaska pranë tavolinave të grupeve.

Ngritja e klubit të tij Burnley FC në Premier League angleze duhet festuar.

Vajza është shprehur e tronditur nga gjesti bujar i futbollistit, transmeton albinfo.ch. Chantal, kështu quhet kamarierja, ka ndarë bakshishin e saj me të gjithë stafin e klubit, dhe në fund ka blerë një qenush Pomeranian Bulldog të quajtur Rolex.

Nuk ishte hera e parë që Chantal merrte një bakshish të majmë, por ajo nuk kishte përjetuar kurrë më parë t`i paguhej një shumë kaq e madhe.

---