7 vjet nga anëtarësimi i Kosovës në UEFA

7 vjet nga anëtarësimi i Kosovës në UEFA

Më 3 maj të vitit 2016, me 28 vota pro, 24 kundër dhe dy abstenime në kongresin e UEFA-s, Kosova u pranua si anëtare me të drejta të plota në këtë organizatë evropiane të futbollit, përcjell albinfo.ch.

Me anëtarësimin e saj në UEFA, Kosova u bë anëtarja e 55-të asokohe e qeverisë evropiane të futbollit.

Asokohe president i Federatës së Futbollit të Kosovës, legjenda e futbollit tonë, Fadil Vokrri, e cilësoi këtë anëtarësim si historik, dhe si një drejtësi të vonuar.

“Një drejtësi e vonuar, por duke marrë parasysh bllokadat ligjore që i janë paraqitur Kosovës, ne arritëm të pranohemi, kjo është një arritur e jashtëzakonshme. Momentet brenda kuvendit të UEFA-s ishin të vështira për shkak të kahjes që i dhanë kuvendit disa shtete”, tha Vokrri.

Anëtarësimi i Kosovës në UEFA u mundësoi ekipeve të elitës së futbollit kosovar që të jenë pjesëmarrëse në garat evropiane.

Po ashtu, kjo gjë i hapi rrugën Kosovës të anëtarësohet edhe në Federatën Botërore të Futbollit – FIFA, në kongresin e mbajtur më 12 dhe 13 maj në Mexico City.