Pyjet në rrezik, duhet të përshtaten me ndryshimet klimatike

Pixabay

Pyjet zvicerane janë prekur fuqishëm nga ndryshimet klimatike dhe ngjarjet ekstreme. Vitet e fundit, thatësira, valët e të nxehtit, stuhitë dhe ngricat e vona i kanë dobësuar pemët, duke i bërë ato më të prekshme ndaj sëmundjeve dhe dëmtuesve të insekteve, shkruan RTS.

Ky vëzhgim u bë nga Zyra Federale për Mjedisin, kantoni i Jura dhe Konferenca për Pyjet, Kafshët e Egra dhe Peizazhin gjatë një konference për shtyp në një pyll të Ajoie, rajoni i kantonit Jura veçanërisht i prekur nga këto dukuri ekstreme.

“Lloji i pyjeve që ne njohim së shpejti nuk do të ekzistojnë më. Ndryshimet klimatike janë të dukshme në shumë vende. Bredhi, simboli i Harkut Jura, duhet të zhduket kryesisht nga Rrafshnalta, sepse është shumë nxehtë atje,” tha drejtoresha e FOEN Katrin Schneeberger, përcjellë albinfo.ch.

Për FOEN-it, shkalla e ndryshimeve klimatike tejkalon kapacitetin natyror të përshtatjes së ekosistemit pyjor. Nga ky zhvillim kërcënohen edhe pyjet mbrojtëse, RTS.

Kantonet, në bashkëpunim me Konfederatën, kanë identifikuar tre fusha veprimi, specifikoi Stefan Müller, president i Këshillit të Shtetit të Appenzell Innerrhoden dhe anëtar i komitetit të CFP. Kjo është për të mundësuar përtëritje të qëndrueshme të pyjeve në zonat pyjore, për të ruajtur stabilitetin e specieve të ndjeshme ndaj klimës dhe për të garantuar sigurinë e përdoruesve të pyjeve.

Për Ministrin e Mjedisit në Jura, David Eray, sfida tani është të menaxhojë kalimin në pyje të përshtatura me një klimë më të nxehtë dhe më të thatë. “Ky tranzicion është i mundur vetëm përmes menaxhimit modern të pyjeve, masave silvikulturore si dhe angazhimit të pronarëve dhe profesionistëve”, përcjellë albinfo.ch.