Albina dhe Familja Kelmendi kërkojnë mbështetjen e shqiptarëve

Pak orë para nisjes së finales “Eurovisionit”, Albina Kelmendi dhe familja e saj kanë kërkuar mbështetjen e të gjithë shqiptarëve.

Për koha.net, përfaqësuesja e Shqipërisë në garën më të madhe evropiane të këngës, mes tjerash, edhe ka falënderuar shqiptarët për mbështetjen e dhënë deri më tani. “Sonte ma shumë se kurrë kemi nevojë edhe një herë për mbështetjen e juaj që të ngrihemi sa më lart. Sonte do të shihemi në finalen e madhe, ndërsa ju mos harroni ta votoni numrin dhjetë. Nga zemra ju falënderojmë për mbështetjen që na keni dhënë deri tash dhe urojmë t’ju bëjmë krenarë sa më shumë”, ka thënë ajo, përcjell albinfo.ch.

Albina Kelmendi dhe familja e saj do të këndojnë këngën “Duje” dhe në finalen e madhe është e 10-ta.