Shumica e zviceranëve, kundër opsionit të gjinisë së tretë në dokumentet zyrtare

62% e të anketuarve janë kundër futjes së një gjinie të tretë në dokumentet zyrtare

Sipas një sondazhi, 62% e të anketuarve janë kundër futjes së një gjinie të tretë në dokumentet zyrtare.

Sondazhi, i publikuar të martën nga Tamedia dhe 20 Minuten, pyeti banorët zviceranë nëse do të miratonin shtimin e një kutie “gjinia e tretë” ose “tjetër” në dokumentet zyrtare përveç gjinisë mashkullore dhe femërore. Pothuajse dy të tretat (62%) e të anketuarve thanë “jo” ose “më mirë jo”, përcjell albinfo.ch.

Opsioni i tretë gjinor nuk fitoi një shumicë në asnjë kategori të popullsisë së anketuar, duke përfshirë Zvicrën urbane dhe njerëzit me arsim të lartë. Me 45% pro, gratë ishin qartësisht më të hapura ndaj idesë sesa burrat (26% pro).

Që nga viti i kaluar, në dokumentet zyrtare është bërë e mundur ndryshimi i emrit dhe gjinisë. Të anketuarit ishin të ndarë për këtë opsion të ri. Pothuajse gjysma (48%) e shohin atë pozitivisht ose mjaft pozitivisht, ndërsa e njëjta përqindje e shikon atë në mënyrë kritike ose mjaft kritike, përcjell tutje albinfo.ch.

Edhe këtu ka një ndryshim midis burrave dhe grave. Shumica e grave (58%) kishin një pikëpamje pozitive për këtë risi, ndërsa shumica e burrave (56%) ishin kritikë.

Në bashkëpunim me Institutin Leeëas, në fund të marsit u anketuan 30,754 njerëz në të gjithë Zvicrën. Marzhi i gabimit është +/- 1 pikë përqindje.

---