Rama në tavolinë me Vuçiqin në Moldavi, tregon se çfarë i tha

Kryeministri i Shqipërisë, Edi Rama, ka postuar një video nga Moldavia, ku po merr pjesë në Komunitetin Politik Europian. Ai shihet ulur përballë presidentit të Serbisë, Aleksandar Vuçiq, Ursula von der Leyen, Presidente e Komisionit Evropian, Mark Rutte, kryeministër i Holandës.

“Rajoni duhet të hyjë në një marrëdhënie të re me BE-në, ndërkohë që konflikti në Veriun e Kosovës duhet të zgjidhet krah për krah me botën demokratike, duke u dhënë fund absurdit kërcënues e duke finalizuar marrëveshjen e normalizimit dhe njohjes së ndërsjellë mes Kosovës e Serbisë”, shkruan Rama.