Me 28.9 gradë, Sioni thyen rekordin e temperaturës për këtë vit

Rekordi i mëparshëm ishte në Visp, gjithashtu në kantonin Valis, me 28.8 gradë dhe ishte regjistruar më 27 maj

Kryeqyteti i kantonit të Valisit, Sioni (Sitten), ka thyer rekordin e temperaturave të këtij viti: të premten atje ishte 28.9 gradë ngrohtë, ka raportuar Meteonews Schweiz në Twitter.

Kjo temparaturë ka tejkaluar rekordin e mëparshëm për vitin aktual me 0.1 gradë, transmeton albinfo.ch. Rekordi i mëparshëm ishte në Visp, gjithashtu në kantonin Valis, me 28.8 gradë dhe ishte regjistruar më 27 maj.

Temperatura e dytë më e ngrohtë e regjistruar të premten në Zvicër ishte ajo në Visp me 28.6 gradë dhe në Biasca të kantonit të Ticinos me 28 gradë celsius, shkruan sda.ch.

Ndryshe, duke filluar nga dhjetëditëshi i fundit i muajit maj, në gjithë Zvicrën po mbretëron mot i bukur, me diell dhe me temperatura verore.

---