Lajçak e Escobar përfundojnë takimin me Kurtin, ja çfarë diskutuan

Pas më shumë se 2 orë takimi, zyrtarët e lartë amerikanë e evropianë kanë dal nga takimi me kryeministrin Albin Kurti.

Gabriel Escobar e Miroslav Lajçak janë paraqitur para mediave duke thënë se i kanë dhënë 3 opsionet e BE-së Kurtit për të depërshkallëzuar situatën.

Ata nuk dhanë më shumë detaje duke deklaruar se ka qenë bisedë e gjatë dhe ku janë shkëmbyer pikëpamje.

“Është në interes të Kosovës të ketë legjitimitet përfaqësues. BE është duke pritur që ne të shkojmë e t’u raportojmë”, tha Lajçak.

Derisa Escobar tha se sa i përket zgjedhjeve të reja në veri kjo u mbetet instituciineve të Kosovës dhe në këtë nuk ndërhyn komuniteti ndërkombëtar.

Ai theksoi mbështetjen për shtetin e Kosovës.

“Mund t’iu them se jam mbështetës i madh për Kosovën. Jemi mbështetës të pavarësisë sovranitetit e integritetit territorial të Kosovës”, tha Escobar.