Kurti: Kosova është aleat i pakompromis i SHBA-së

Kryeministri i Kosovës, Albin Kurti, në mbledhjen e mbajtur me struktura të partisë që udhëheq, Vetëvendosje, zgjodhi të flasë mes tjerash edhe për zhvillimet e fundit politike e tensionet në veri.

Këto zhvillime ndikuan që Kurti të marrë reagime të ashpra nga amerikanët e evropianët, për siç u tha, moskoordinim.

Megjithatë Kurti tha se Kosova është dhe do të jetë aleat i pakompromis i SHBA-së dhe i BE-së, transmeton albinfo.ch.

“Kosova i qëndron pas SHBA-së dhe BE-së në tërë kuptimin e fjalës, në politikën anti-Putin dhe në vlerat demokratike. Është aleat i pakompromis i SHBA-së dhe Bashkimit Evropian. Rruga përpara për deskalim të situatës në veri do të thotë ndalimi i menjëhershëm i dhunës nga bandat kriminale ndaj policisë, NATO-s, gazetarëve dhe kryetarëve. Në përputhje me situatën e sigurisë, me largimin e këtyre bandave dhe arrestimin e tyre, prania e policëve mund të zvogëlohej në mënyrë proporcionale. Dialogu për zbatimin e plotë të marrëveshjes bazike të 27 shkurtit në Bruksel dhe ankesit të zbatimit të 18 marsit në Ohër duhet të intensifikohet. Kemi nevojë për sekuencim të balancuar dhe të drejtë të zbatimit të marrëveshjes bazike”, tha Kurti.