Dy të tretat e emigrantëve duan të qëndrojnë në Zvicër

Keystone

Pothuajse dy të tretat e njerëzve që shpërngulen në Zvicër duan të qëndrojnë, sipas një analize të Zyrës Federale të Statistikave për migracionin ndërkombëtar, përcjell albinfo.ch.

Kjo dëshirë është veçanërisht e fortë mes njerëzve nga vendet evropiane që nuk i përkasin BE-së, zbuloi të hënën studimi Demos. Të dhënat për migracionin janë mbledhur që nga viti 1998.

Në vitin 2022, 41% e popullsisë rezidente të përhershme të moshës 15 vjeç e lart dhe të lindur jashtë vendit thanë se kishin emigruar në Zvicër për arsye familjare dhe 37% thanë se kishin ardhur për arsye profesionale, tha zyra e statistikave. Dy arsyet e tjera të përmendura më shpesh ishin azili (6%) dhe studimet (4%).

Burrat më shpesh jepnin si arsye punën e tyre dhe gratë familjen. Për njerëzit nga shtetet e BE-së dhe EFTA-s, puna e tyre ishte gjithashtu shpesh arsyeja, ndërsa për grupet e tjera të vendeve arsyeja kryesore ishte bashkimi familjar, përcjell tutje albinfo.ch.