Drafti i Ramës për Asociacionin, Vuçiç: Nuk është i autorizuar ta hartojë

Vuçiqi: Kam respekt për Ramën, por ai s’është i autorizuar ta bëjë statutin e Asociacionit

 

Pasi BE ka vlerësuar projektin e Edi Ramës, presidenti i Serbisë, Aleksandër Vuçiq, ka folur për propozimin e kryeministrit të Shqipërisë, Edi Rama, për Asociacion e komunave me shumicë serbe, përcjell albinfo.ch.

Ai ka thënë se e respekton kryeministrin Rama, por sipas tij, ai nuk është i autorizuar të hartojë statutin e Asociacionit.

Vuçiqi ka thënë se Rama nuk është anëtar i Ekipit Menaxhues dhe kësisoj nuk mund të bëjë draf-statut për Asociacionin.

“Me sa di unë, Edi Rama nuk është anëtar i Ekipit menaxhues serb. As kryeministri i Kosovës, Albin Kurti, i cili duket se dëshiron të bëhet pjesë e atij ekipi, pasi edhe ai ka diçka të shkruar, por nuk ka të drejtë ta ketë të shkruar”.

“Nuk kemi çfarë të negociojmë këtu. Na jepni vetëm parimet dhe organet e Asociacionit siç janë negociuar dhe siç e kam inicializuar në vitin 2015 me (në atë kohë kryeministrin e Kosovës) Isa Mustafën. Nuk kërkojmë asgjë më shumë. A e dini se kur do të jetë? Asnjëherë, sigurisht jo derisa Kurti është në pushtet”, ka thënë Vuçiqi për “TV Happy”.

---