Edi Rama reagon pas rrëmbimit të policëve të Kosovës, thotë se po pret hetimet

Keystone (AP Photo/Franc Zhurda)

Kryeministri i Shqipërisë, Edi Rama, ka reaguar në Twitter pas rrëmbimit të 3 pjesëtarëve të Policisë së Kosovës.

Ai është përgjigjur edhe në kritikat se po hesht.

“Kush thotë se po heshtim apo kush kërkon t’i hedhim benzinë zjarrit, duke ngritur akuza ndërkohë që KFOR-i po investigon rastin, nuk do t’ia dijë as për Kosovën e as për Shqipërinë, po vetëm për luftën e stërhumbur politike me mua apo për politikën e luftës imagjinare me Serbinë. Prandaj më duhet edhe njëherë t’u kujtoj se Shqipëria është pjesë e bashkësisë euroatlantike dhe ka fiks të njëjtën linjë të kësaj bashkësie, e cila bombardoi Serbinë dhe krijoi shtetin e Kosovës! Ne presim fjalën e KFOR-it që po heton rastin dhe i qëndrojmë deeskalimit imediat“, shkruan Rama në rrjetin social.