Gjenerali shqiptaro-amerikan: Rama anuloi mbledhjen me Kurtin pas kërkesës së këtij politikani

Gjenerali shqiptaro-amerikan, Muharrem Maralusha, ka reaguar pas anulimit të mbledhjes së dy qeverive shqiptare, që ishte paraparë të mbahej më 14 qershor, përcjell albinfo.ch.

Gjenerali ka akuzuar kryeministrin shqiptar, Edi Rama, se mbledhjen e anuloi me kërkesën “specifike” të presidentit serb, Aleksandar Vuçiq, përcjell Bota sot.

Sipas tij, Rama është bashkuar me Serbinë në luftën kundër popullit shqiptar.

Mbledhja e paraparë e dy qeverive shqiptare për 14 qershor 2023 u anulua me një kërkesë specifike që Vuçiqi ia bëri Edi Ramës.

Qëllimi i Serbisë ka qenë dhe është përçarja e popullit shqiptar. Thënia “Bashkimi është fuqi”, është tmerri më i madh në sytë e serbëve.

Serbia është duke ia arritur këtij qëllimi me ndihmën e Edi Ramës. Për mendimin tim, Rama e tregoi veten se është aleat fuqiplotë i Serbisë, në luftën përballë kombit dhe ekzistencës shqiptare në trojet e lashta shqiptare.

Para se të bënte zyrtarisht vendimin për anulimin e seancës së përbashkët ndërmjet dy qeverive shqiptare me kërkesën e Vuçiqit, Edi Rama u koordinua me Lajçakun dhe Borellin.