Borrell: BE-ja po humb durimin me Kosovën e Serbinë

Shefi i diplomacisë evropiane, Josep Borrell, është shprehur se Bashkimit Evropian po i humb durimi me Kosovën e Serbinë.

Këto deklarata Borrell i ka bërë në një konferencë për media, së bashku me kryeministrin e Shqipërisë, Edi Rama.

“E kam bërë të qartë dhe ishte qëndrim i shteteve anëtare dje që palët duhet ta shtensionojnë situatën dhe të gjejnë zgjidhje përpara bazuar në udhërrëfyesin evropian që u është propozuar në tavolinë javën e kaluar. Jemi pajtuar që kërkohen lëvizje të shpejta, shtensionim e zgjidhje urgjente dhe shtetet anëtarë kanë pajtim për këtë urgjencë dhe janë duke e humbur durimin ndaj situatës që po vazhdon të përshkallëzojë dhe kërkohen veprime të menjëhershme”, ka thënë ai, përcjell albinfo.ch.

Borrell ka falënderuar Ramën për përpjekjet për shtensionim të situatës në veri.