Bie inflacioni në Eurozonë

Ilustrim, Pixabay

Inflacioni vjetor ra në 5.5% në 20 vendet e eurozonës, por përkundër kësaj, Banka Qendrore Evropiane pritet ende të rrisë normat e interesit në korrik.

Norma gjatë majit kishte arritur deri në 6.1%. Por kjo ulje nuk e ka ndryshuar qëndrimin e Bankës Qendrore Evropiane pasi që kjo e fundit pritet të vazhdojë me rritjen e normave të interesit, shkruan DW.

Rritja do të bëhet deri në kohën kur norma e inflacionit të bjerë në 2% janë shprehur nga bankat qendrore në Evropë, SHBA dhe Britani të Madhe, pasi kjo shifër konsiderohet më e mira për ekonominë.

Sipas statistikave të Bashkimit Evropian, çmimet e energjisë ranë me 5.6% pas krizës së vitit të kaluar, ndërsa inflacioni i çmimeve të ushqimeve u rrit me 11.7%, duke u zbutur nga 12.5% në maj, përcjell albinfo.ch.

Inflacioni bazë, i cili është një përshkrim më i saktë i presioneve afatgjata të çmimeve, u rrit nga 5.3% muajin e kaluar në 5.4%.

Pushtimi rus i Ukrainës dhe pasojat e tij të shumta erdhën vitin e kaluar në fund të pandemisë COVID-19, rritën çmimet e ushqimit dhe energjisë dhe duke çuar në frikën e recesionit, shkruan DW.