Vjosa Osmani, bashkë me Edi Ramën, diskutojnë në Ulqin

Çka i bëri bashkë Vjosa Osmanin e Edi Ramën?

Duket se Ulqini i ka bërë bashkë Presidenten e Kosovës, Vjosa Osmani dhe Kryeministrin e Shqipërisë, Edi Rama, të cilët po qëndrojnë atje me rastin e hapjes së sezonit kryesor turistik, përcjell albinfo.ch.

Në disa fotografi të publikuara në media, Osmani e Rama janë parë të ulur në një tavolinë, në praninë e kryeministrit të Malit të Zi, Dritan Abazoviq.

Bashkë me ta ndodhet edhe kryetari i Komunës së Prishtinës, Përparim Rama.

Ndryshe, me rastin e hapjes së sezonit turistik në Ulqin, sonte do të mbajë koncert tenori i mirënjohur kosovar, Ramë Lahaj.

Organizatorë të kësaj ngjarje të rëndësishëm janë Komuna e Ulqinit, Organizata Turistike, Qendra për Kulturë dhe Ministria e Zhvillimit Ekonomik dhe Turizmit e Malit të Zi.

---