Kurti flet rreth idesë së Ramës për konferencë ndërkombëtare Kosovë-Serbi

Ideja e Ramës për konferencë ndërkombëtare, Kurti: Kemi pasur në të kaluarën, tash kemi një marrëveshje bazike

Bëhet e ditur se kryeministri Albin Kurti ka folur dje lidhur me idenë e paraqitur nga kryeministri i Shqipërisë, Edi Rama, për mbajtjen e një konference ndërkombëtare për Kosovën e Serbinë, përcjell albinfo.ch.

Ai është shprehur skeptik për mbajtjen e një konference të tillë. Kurti tha se në vend të kësaj, krejt çfarë duhet bërë është implementimi i marrëveshjes bazike në tërësi.

“Ne kemi pasur konferenca ndërkombëtare në të kaluarën dhe tash kemi një marrëveshje bazike, nga 27 shkurti i këtij viti, në Bruksel dhe gjithashtu nga 18 marsi në Ohër me aneksin e zbatimit. Krejt çka duhet bërë është që pa kushte të implementohet ajo marrëveshje bazike në tërësinë e saj dhe në mënyrë fer e të balancuar. Kjo duhet të bëhet dhe ne për këtë angazhohemi në Bruksel në takimet që kemi”, tha Kurti para gazetarëve dje gjatë ditës në Prizren.

 

---