Pse Albini Kurti refuzon të takojë Edi Ramën?

Thuhet se asnjëherë s’kanë qenë të mira, por edhe asnjëherë më të këqija raportet mes kryeministrit Kurti dhe Rama, përcjell albinfo.ch.

Pas deklarimit të tij se “Ballkani i Hapur” ka përfunduar, Edi Rama paralajmëroi një udhëtim në rajon “për shtensionim të situatës në veri”. Por, me ardhjen e tij në Kosovës atë s‘do ta presë Albin Kurti. Ky i fundit u shpreh më herët se nuk do ta takojë kryeministrin Rama nëse nuk do të mbahet mbledhja e dy qeverive. Ai ftoi Ramën që gjatë vizitës dyditore në Prishtinë më 6-7 korrik, të vijohet me mbledhjen e dy qeverive që u anulua në Gjakovë.

Derisa Rama do të fluturojë në Shkup për t’u takuar me kryeministrin Dimitar Kovaçevski, dhe më pas do të vijojë sipas planit vizitën në Prishtinë. Në kryeqytetin e Kosovës atë do ta presë vetëm presidentja Osmani dhe kryetari i Kuvendit, Glauk Konjufca, kjo vizitë nuk pritet të sjellë asgjë pozitive për vendin tonë. Nga kjo vizitë më i disponuari duket presidenti serb, aty ku edhe do të jetë stacioni i fundit i turit, Beogradi, atje e pret presidenti Aleksandër Vuçiq. Paraprakisht Rama do të fluturojë për në Bosnjë e Hercegovinë, dhe më pas në Mal të Zi, shprehet Faton Mehmeti.

E gjithë kjo bëhet për egot e Ramës për protagonizëm, pavarësisht se nga kjo gjë është dëmtuar Kosova. Kryeministri shqiptar duhet të jetë më i vëmendshëm ndaj Kosovës, nuk guxon të trajtojë Kosovën shtet fqinj, egot e tij për protagonizëm mos t’i manifestojë në dëm të Kosovës. Anulimi i takimit të dy qeverive me “urdhër” të Vuçiqit, konfirmon ndikimin e tij në relacion me presidentin serb.

Refuzimi i takimit nga ana e Albin Kurtit nuk është refuzim ndaj Shqipërisë, por ndaj dikujt që asnjëherë nuk e vuri Kosovën para interesave të tija. Rama të reflektojë, nëse sado pak i ka mbetur ndërgjegje kombëtare në venat e tij, ndryshe s’do e fitojë kurrë respektin e shqiptarëve të Kosovës.