Pezullohen udhëtimet turistike për në Rodos të Greqisë

Pixabay, Ilustrim

Kompania e udhëtimeve Tui ka pezulluar të gjitha fluturimet me pasagjerë për në ishullin grek të Rodosit, për shkak të zjarreve.

“Deri të martën nuk do të fluturojnë më turistë të rinj në ishull”, u tha nga grupi gjerman, duke shtuar se avionët bosh po fluturonin ende për të ndihmuar në evakuimin e mijëra turistëve të prekur, shkruan The Local.

“Grupi Tui aktualisht ka rreth 40,000 turistë në ishullin Rodos, nga të cilët 7,800 janë prekur nga zjarret dhe është dashur të evakuohen në qendrat e pritjes ose hotelet”, u tha tutje për AFP-në.

Transportuesi britanik me kosto të ulët Jet2 tha gjithashtu se ka anuluar të gjitha fluturimet dhe pushimet që do të niseshin për në Rodos, përcjell albinfo.ch.

U bë e ditur se kompania të fluturonte me pesë avionët e planifikuar fillimisht për të shkuar në Rodos “pa klientë në bord, në mënyrë që ne të mund t’i kthejmë klientët në MB në fluturimin e tyre të planifikuar”.

Linja ajrore britanike Easyjet tha se po funksiononte normalisht, por do të “monitoronte nga afër situatën”, shkruan The Local.

Rreth 30,000 njerëzve u është dashur të lënë shtëpitë ose hotelet e tyre në destinacionin popullor turistik për shkak të zjarreve, përcjell albinfo.ch.