27 vjeçarja agjentinase që u vra nga i dashuri i saj shqiptar me shtetësi zvicerane, kishte kontaktuar për herë të fundit me nënën e saj të dielën, shkruan 20minuten. 

“Ajo na dërgoi video nga dasma. Ajo dukej e lumtur dhe mirë. Nuk e kuptoj se si mund të ndodhte kjo”, ka thënë babai i vajzës.

E ndjera ishte nga qyteti i La Plata në Argjentinë, jo shumë larg kryeqytetit, Buenos Aires, përcjell albinfo.ch.

Në nëntor të vitit 2022 ajo ishte transferuar në Spanjë, sipas familjes së saj “në kërkim të një të ardhmeje më të mirë”. Pas dy ose tre muajsh qëndrimi në Barcelonë, Maria u takua me të dyshuarin zviceran (kosovarin 32 vjecar E.* nga kantoni i Bernit), dhe pak më vonë çifti u transferua së bashku në Zvicër.

Siç është raportuar çifti kishte ardhur nga Zvicra për dasmen e vëllait të dyshuarit, të cilit Gjykata ia ka caktuar 30 ditë paraburgim nën dyshimin e bazuar për vrasjen e 27 vjeçares, përcjell albinfo.ch.