Mehaj merr urdhrin ushtarak nga Forcat e Armatosura të Gjermanisë

ZKM

Ish-ministri i Mbrojtjes, Armend Mehaj, është nderuar me urdhrin ushtarak “Kryqi i Nderit në Ar” të Forcave të Armatosura Federale të Gjermanisë.

Ai u dekorua nga ambasadori i Gjermanisë në Kosovë, Jörn Rohde, përcjell albinfo.ch.

Në këtë ceremoni që u mbajt në rezidencën e ambasadorit gjerman, Rohde, përmes kësaj dekorate u vlerësua lart edhe një herë puna, bashkëpunimi, profesionalizmi dhe angazhimi i ish-ministrit Mehaj në Qeverinë e Republikës së Kosovës përgjatë këtyre 29 muajve që ushtroi pozitën e ministrit të Mbrojtjes.

Të hënën, ish-ministri Mehaj kishte ofruar kërkesën e tij për lirimin nga detyra për arsye familjare. Në vend të tij është emëruar Koloneli Ejup Maqedonci, përcjell albinfo.ch.