Temperaturat do të jenë më të larta vitin e ardhshëm

Keystone (AP Photo/Czarek Sokolowski)

Rekordet e të nxehtit janë thyer në disa vende javët e fundit. Megjithatë, fizikanes dhe studiueses së CNRS, Cathy Clerbaux, temperaturat do të jenë jashtëzakonisht të larta gjatë 12 deri në 18 muajve të ardhshëm.

Cathy Clerbaux pohon se një kombinim i faktorëve natyrorë dhe njerëzorë do të bëjë që temperatura të rritet në muajt e ardhshëm. Një analizë që ajo detajon në një artikull të botuar në The Conversation, përcjell albinfo.ch.

“Akumulimi i gazeve serrë tashmë po çon në një rritje me 1.2 gradë mesatarisht në gjithë Tokën në krahasim me periudhën para-industriale. Këto gazra vazhdojnë të grumbullohen”, thotë ajo për RTS.

Një faktor tjetër, pjesërisht njerëzor, është rënia e ndotjes së grimcave – për shembull, për shkak të lëndëve djegëse fosile – në pjesë të caktuara të globit.

“Rrezatimi diellor filtrohet disi nga këto grimca. Pra, ka më pak filtrim të rrezatimit diellor. [Me uljen e grimcave] ka më pak ndotje, por kjo kontribuon në rritjen e ngrohjes”, shton ajo.

Përveç kësaj, ekzistojnë tri fenomene natyrore. Cikli i diellit, së pari. Kjo “luhatet çdo 11 vjet: njollat e diellit shfaqen dhe zhduken. Ne arrijmë një kulm në aktivitetin diellor”, shprehet shkencëtarja, përcjell albinfo.ch.

“E dyta është fenomeni El Niño. Kjo rrymë e madhe detare zhvillohet në Paqësor dhe ngroh një pjesë të deteve. Dhe ngrohja e deteve ngroh tokën, nga përcjellja”, tregon Cathy Clerbaux për RTS.

Fenomeni i tretë, i papritur, lidhet me aktivitetin vullkanik.

Cathy Clerbaux paralajmëron, megjithatë, se shkencëtarët “nuk kanë një top kristal”. Sipas saj, “nuk mund të parashikojmë saktësisht se çfarë do të ndodhë”, sepse parashikimet janë bazuar në vëzhgimet e sotme, përcjell albinfo.ch.