Qytetet e mëdha zvicerane përballen me përdoruesit e drogës në hapësira publike

(KEYSTONE/Salvatore Di Nolfi)

Pas publikimit të një fotoje të një fëmije të vogël, në një skuter, pak metra larg një burri që u shpua në lagjen Riponne, në Lozanë, banorët shprehën pakënaqësinë e tyre në shtyp këtë javë. Autoritetet e qytetit të Lozanës kanë konfirmuar një “përkeqësim të madh të situatës që nga vera” dhe thonë se janë të sfiduar nga shpejtësia e përhapjes së këtij fenomeni.

Ky problem nuk ka të bëjë vetëm me qytetet frëngjishtfolëse. Në Cyrih, rreth dyzet përdorues të drogave të forta janë vendosur në një park të qytetit, Bäckeranlage, pranë një shkolle dhe shtëpive për shkak të mbylljes së një vendi për injeksion.

Konsumi i jashtëm është rritur gjithashtu në Bazel këtë verë, sipas Departamentit të Shëndetit të Qytetit. Në anën e Graubünden, njëqind të varur nga droga kanë investuar qendrën e Chur, shkruan RTS.

Frank Zobel, zëvendësdrejtor i Adiction Switzerland, ka shprehur shqetësimin për këtë problem.

“Ne kemi fenomene bazë, të cilat po ndryshojnë në Zvicër. Ka një hiperdisponueshmëri të kokainës, qoftë ajo e injektueshme apo në formë kraku (…) Çmimi është jashtëzakonisht i ulët dhe produkti është shumë i pastër. Ne kurrë nuk kemi e parë këtë”, tha ai, përcjell albinfo.ch.

Prej dhjetë vjetësh në Zvicër është bërë gradualisht rritja e konsumit të kokainës në formë kristalesh, e cila pihet dhe arrin shpejt në tru, duke gjeneruar një eufori edhe më të madhe se produkti që thithet nga hunda.

Në Gjenevë, për shembull, mbërritja e saj vjen nga instalimi i trafikantëve të njohur tashmë në Paris dhe që janë përgjegjës për trafikun në kryeqytetin francez dhe në Lion, shpjegon Frank Zobel.

Në qytetin e Kalvinit ky konsum ka zënë vend tek një popullsi “që deri atëherë nuk konsumonte kokainë, ose shumë pak dhe që krijoi një çrregullim absolutisht fantastik”, shton sociologu për RTS.

Në lagjen Les Grottes të Gjenevës është vendosur një strategji për ripërvetësimin e hapësirës publike, e organizuar në partneritet me qytetin.

Këshilltarja administrative, Christina Kitsos, përgjegjëse për kohezionin social, e sheh atë si një mënyrë për të lehtësuar tensionet dhe paturpësitë e shkaktuara nga prania e të varurve nga droga.

Kjo politikë sociale e afërsisë, duke investuar “hapësirën publike në mënyrë pozitive”, bën të mundur “krijimin e lidhjeve, për të sjellë një komunitet”, tha ajo për RTS.

Partia Ansambli à gauche dëshiron të lehtësojë zbatimin e këtij lloj projekti, duke paraqitur një mocion në Asamblenë legjislative të qytetit të Gjenevës për këtë qëllim, përcjell albinfo.ch.