Paralajmërojnë meteorologët: Rritet rreziku nga përmbytjet në Zvicër

(KEYSTONE/Salvatore Di Nolfi)

Nxehtësia dhe stuhitë të premten mbrëma ishin vetëm një shije paraprake e asaj që do të vijë. Pritet të ketë reshje në fundjavë dhe përpmbytje në Zvicrën qendrore dhe lindore.

Katër ditët e ardhshme do të jenë të këqija.

“Stuhitë e forta të së premtes dhe të shtunës pasohen nga shira të dendur në jug dhe në Alpet lindore dhe qendrore”, thotë Roger Perret nga Meteo News për Blick.

Të dielën dhe të hënën priten reshje të vazhdueshme shiu në jug si dhe në Zvicrën qendrore dhe lindore. Qeveria federale ka shpallur nivelin e rrezikut 3 nga 5 për rajonet e prekura për shkak të reshjeve të vazhdueshme, përcjell albinfo.ch.

Sasitë që bien nga qielli janë të mëdha.

“Në jug priten deri në 250 litra dhe në veri deri në 150 litra. Kjo mund të nënkuptojë më shumë shi në jug në pak më shumë se dy ditë sesa ka pasur gjatë gjithë muajit. Dhe, kjo ka pasoja. Rreziku i përmbytjeve po rritet masivisht. Ndërsa perëndimi dhe veriperëndimi i Zvicrës janë të kursyer, ka rrezik për përmbytje në Zvicrën qendrore dhe lindore si dhe në jug”, thotë Perret, për Blick.

“Arsyeja e motit të keq është ultësia e Genovas që krijohet të dielën. Kjo është situata klasike e stuhisë për përmbytjet dhe ujërat e larta, pasi ajri i lagësht dhe i freskët sillet nga Deti Mesdhe. “Kjo rezulton në një rënie të temperaturës. Në Zvicrën qendrore dhe lindore mund të jetë edhe nën 15 gradë të hënën”, tha meteorologu.

Moti i keq do të përfundojë sërish të martën. Nga fundi i javës janë sërish të mundshme 25 e më shumë gradë, përcjell albinfo.ch.