Opozita shqiptare, me kandidat për president të Maqedonisë

Opozita shqiptare njoftoi se do të dalë me kandidat të vetin në zgjedhjet e ardhshme presidenciale, që priten të mbahen në pranverë në Maqedoninë e Veriut, bëri të ditur lideri i LD-së, Izet Mexhiti, në një emision shqiptar, përcjell albinfo.ch.

Përkundër paralajmërimeve që president aktual pritet të rikandidohet sërish nga pushteti, opozita shqiptare, Lëvizja Demokratike, Lëvizja Besa dhe Alternativa, do të propozojnë emër shqiptar për të parin e shtetit.

Ende nuk kanë një emër dhe nuk dihet në do të jetë mashkull apo femër.

“Opozita shqiptare – Lëvizja Demokratike, Lëvizja Besa dhe Alternativa me derën e hapur edhe për të tjerët, do të kemi kandidatin për president tonin, shqiptar.

Kandidat apo kandidate, keni emër?

Do ta përcaktojmë. Ne fokusin e kemi te votuesin shqiptarë. Ne, me mbështetjen e votuesit shqiptar, do të dalim fitues në zgjedhje dhe do ta bëjmë ndryshimin te shqiptarët. Nuk lodhemi për taborët, apo lëvizjet e çuditshme të Gruevskit, Mickoskit, Zaevit apo Kovaçevskit. Ato janë punë të tyre”, tha Mexhiti.